PAPA AISE HI HOTE HAI POETRY - Helly Shah | Hindi Poetry | Poetryhit.com
Papa Aise Hi Hote Hai (पापा ऐसे ही होते है) Poetry Lyrics by Helly Shah: This Hindi Spoken Word Poetry Performed by her. Music given by Samuel Pandya. While Papa Aise Hi Hote Hai Hindi Poetry written by Helly Shah and edited by Nishant Thawrani. It's released by UnErase Poetry YouTube Channel. (Please Support Our YouTube Channel Like PoetryHit)
Poetry Credits:Poetry Title: Papa Aise Hi Hote Hai (पापा ऐसे ही होते है)Performed: Helly ShahMusic: Samuel PandyaWritten: Helly ShahCurated: Simar SinghMixing & Mastering: Sohaill GandhiArt Design: Allwyn PereiraSound Recording: Yash BarseShot: The Habitat Cafe (Mumbai)Poetry Language: HindiPoetry Label: UnErase Poetry {alertSuccess}
Papa Aise Hi Hote Hai Poetry Lyrics
Yeh Khat Mere Papa Ke Liye. . .
Ummeed Hai Ki Aap Theek Honge
Mai Jaanti Hun Ki
Aap Ye Khat Khud Nahi Padhenge
Iss Liye Suna Rahi Hun. . .
Waise Aap Mujhe Likhte Kyun Nahi. . ?
Sab Kehte Hai Ki
Papa Toh Aise Hi Hote Hai. . .
Na Kuchh Kehte Hai
Na Kisi Ki Sunte Hai. . .
Pata Hai. . .
Iss Baat Jab Mai Ghar Se Wapas Shehar Gayi Na
Toh Mujhe Bahot Dukh Hua. . .
Aap Ke Saath Bitaya Waqt Ab Mujhe
Kisi Poorani Almari Mein Ghum Kitaabon Sa Lagta Hai
Jinhe Paane Ka Utsaah Toh Bahot Hai. . .
Lekin Unke Bina Saalon Gawane Ka Gum Bhi Utna Hi. . .
Yaad Hai Jab Aapne Mujhe Bachpan Mai Ek Baar
Padhane Ki Koshish Ki Thi
Ye Mere Liye Bahot Badi Baat Thi. . .
Kyunki Isse Pehle Mere Pass
Aapse Karne Ko Naa Koi Baat Thi. . .
Aap Ne Mujhse Ek Sawal Puchha
Aur Overconfidence Mein Aake
Maine Galti Kar Di. . .
Wo Galti Toh Ab Chhoti Lagti Hai
Lekin Sazaa Mujhe Bahot Badi Mili. . .
Shayad Aap Kaam Mein Busy Ho Gaye
Ya Phir Aapko Syllabus Mera Samajh Nahi Aaya. . ?
Kyun Ki Uss Din Ke Baad Se Papa
Aapne Mujhe Kabhi Nahi Padhaya. . .
Lagta Raha Shayad Aap Naraz Ho Kahin
Darne Lagi Ki Aap Mere Saath Waqt Bitaaoge Nahi
Toh Main. . .
Toh Main Bahot Mehnat Karne Lagi
School Mein Achhe Marks Laane Lagi
Leki Aap Se Ye Keh Na Saki Ki
Papa Bachhe Aise Gunhegar Hote Hai
Jo Galti Karke Bhi Masoom Hote Hai. . .
Phir Kya. . ?
Waqt Beeta
Aur Maine Aap Se Door Rehkar Hi
Bahot Kuchh Sikha. . .
Jaise TV Ke Remote Par Pehla Haq
Sirf Ussi Ka Hota Hai
Jisne TV Khareeda Hai. . .
Jaise Chhutti Ka Matlab
12 Baje Tak Sona Nahi Hota. . .
Jaise Zindagi Ke Maths Aur
School Ke Maths Mein
Bahot Fark Hota Hai. . .
Aur Zindagi Ka Maths Na
Koi School Nahi Sikhaati. . .
Lekin Iss Sab Ke Baad Bhi
Mere Paas Aap Se Baat Karne Ki
Na Koi Wajah Thi. . .
Sabne Kaha Papa Toh Aise Hi Hote Hai. . .
Unka Pyaar Gunga
Aur Unki Chinta Behri Hoti Hai. . .
Lekin Mujhe Ummeed Thi. . .
Ummeed Thi Ki
Ye Khamoshi Ki Hawa
Apna Rukh Zaroor Badlegi. . .
Toh Shaam Jab Mujhe
Storeroom Ke Kone Mein
Dhool Se Sane Bedminton Ke
Do Rackets Mile Na
To Mujhe Aapke Bachpan Ki Yaad Aayi
Aur Mein Sidha Un Dono Rackets Ko
Aapke Paas Layi. . .
Lekin Aapne Tab Bhi Kuchh Nahi Kaha. . .
Sirf Us Racket Ko Uthaya
Aur Shuttle Pe Zor Se Ek Shot Lagaya
Woh Shuttle Udta Hua Meri Aur Aaya
Aur Maine Bhi Shot Lagaya
Lekin Phir Laga Jaise Ye Mauka Haath Se Gaya. . .
Kyunki Papa. . .
Aapse Woh Shot Miss Ho Gaya. . .
Main Phir Darne Lagi
Laga Ki Jaise Agar Aap
Naraaz Hue Toh. . ?
Toh Ye Waqt Kaise Guzrega. . ?
Ye Pal Kaise Guzrega. . ?
Kya Hum Do Kinaare Alag Hi Reh Jaayenge. . ?
Kya Baaton Ke Dariya Hume Bina Chhye Hi Beh Jaayenga. . ?
Par Tabhi
Tabhi Aap Muskuraaye
Aur Bole. . .
Chalo Ek Match Ho Jaaye. . ?
Aur Us Din Se Samjho
Zindagi Ki Wo Almaari
Apne Aap Hi Khul Gayi
Aur Giri Unmain Se
Waqt Ki Wo Saari Kitaabe
Jinse Hum Mehroom The
Chhipe The Inn Mein Mere
Bachpan Ke Dher Saare Kisse
Aur Aapki Bhi Kuch Kahaniyaan. . .
Papa Sab Ne Kaha Tha
Ki Papa Toh Aise Hi Hote Hai. . .
Lekin Wo Sab Log Na
Galat The. . .
Kyunki Jaha Shabdon Se Hum Dur Hue
Toh Ek Khel Ne Hume Mila Diya
Hum-Umra Hume Bana Diya. . .
Laga Jaise Do Kinare Chahe Kitne Bhi Dur Kyun Na Ho
Bane Wo Ek Hi Mitti Ke Hai
Mana Hum Dono Ko Waqt Laga. . .
Mana Hum Dono Ko Waqt Laga
Lekin Der Se Hi Sahi. . .
Papa. . !
Kehne Aur Sunne Ke Liye. . .
Shukriya. . .
Written By: Helly Shah
This is the end of Papa Aise Hi Hote Hai (पापा ऐसे ही होते है) Poetry Lyrics. If you find any mistake in poetry Like PAPA AISE HI HOTE HAI POETRY - Helly Shah | Hindi Spoken Word Poetry. Please contact us and send correct poetry. Thank You for Visit Our Site.
Furthermore Latest Spoken Word Poetry In Hindi and English then stay with PoetryHit {alertInfo}