KYA DHOONDH RAHE HO POETRY - Amandeep Singh | Hindi Poetry | Poetryhit.com
Kya Dhoondh Rahe Ho (क्या ढूंढ रहे हो) Poetry Lyrics by Amandeep Singh: This Hindi Spoken Word Poetry Performed by him. Music given by Hasan. While Kya Dhoondh Rahe Ho Hindi Poetry written by Amandeep Singh and edited by Abhishek Bhutwani. It's released by UnErase Poetry YouTube Channel. (Please Support Our YouTube Channel Like PoetryHit)
Poetry Credits:Poetry Title: Kya Dhoondh Rahe Ho (क्या ढूंढ रहे हो)Performed: Amandeep SinghMusic: HasanWritten: Amandeep SinghCurated: Simar SinghMixing & Mastering: Sohaill GandhiArt Design: Allwyn PereiraSound Recording: Sreejith MenonShot: The Habitat (Mumbai)Poetry Language: HindiPoetry Label: UnErase Poetry{alertSuccess}
Kya Dhoondh Rahe Ho Poetry Lyrics
Meri Soch Ne Yeh Sawaal Kiya
Phir Jawaab Ne Yeh Soch Liya. . .
Meri Soch Ne Yeh Sawaal Kiya
Phir Jawaab Ne Yeh Soch Liya. . .
Roz Kuch Naya Paane Ki Chah Main
Hum Ne Khud Ko Kitna Badal Diya. . .
Daude Udhar Jidhar Aaftab Tha
Ghar Par Chaand Ko Yuhi Chhor Diya. . .
Apne Pairon Par Khade Hone Ke Liye Humne
Ghutno Ko Ragda. . .
Maroda. . .
Aur Phir Tor Diya. . .
Tum. . .
Haan. . . Tum. . .
Tumhe Lagta Hai Tum Yeh Badal Doge. . ?
Tum. . .
Jo Khush Nahi Rehte Raaton Ko
Din Bhar Dohrate Ho Baaton Ko
Baitho Laal Subha Tak Kabhi. . .
Yaad Karo Usse Yunhi
Woh Bachha Kya Chahta Tha. . ?
Madham. . . Madham Kya Kehta Tha. . ?
Ek Khilone Wale Hawai Jahaj Par
Baith Kar Usko Udhna Tha. . .
Kisi Gudiya Ki Surk Aankhon Mein
Apna Kajal Bharna Tha. . .
Tumhe Lagta Hai. . ?
Tum Usse Badal Doge. . ?
Apna Raasta Dhundh Kar Chal Doge. . ?
Bhaiya Bhool Gaye Kya Duniya Gol Hai. . ?
Tumne Jo Khoya Tha Wo Hee Anmol Hai. . .
Khoya Kya Hai. . ?
Jhaakho Andar. . .
Dekho. . .
Koi Besh Kimti Hira Tha. . ?
Uth Ke Muh Mein Jeera Tha. . ?
Sone Ka Auzaar Tha. . ?
Ya Sachha Kisi Ka Pyaar Tha. . ?
Tumhara Peela Joota The. . ?
Ya Sikka Wo Jo Loota Tha. . ?
Mila. . ?
Nahi Na. . ?
Nahi Milta Wo Jo Kho Jaata Hai. . .
Kyun Ki Khoya Wo Nahi Jo Tum Paa Na Sake
Khoya Toh Wo Hai. . .
Jo Kuch Aur Paane Ki Hor Mein Tumne Gawa Diya. . .
Dekho Kitni Tez Daude Ho Tum. . .
Dekho Kitni Tez Daude Ho Tum
Bhage Aur Kude Ho Tum. . .
Upar Se Bada Bhaari Tha
Wo Basta Zimmedari Ka. . .
Hogaya Dekho Aadha Khoon
Kho Diya Tumne Pura Sukoon. . .
Nahi Milta Na Sukoon Aaj-Kal. . ?
Ab Bhaiya Jeb Mein Phone
Aur Paison Ke Baad
Jagah Kahaan Bachti Hai. . .
Itni Kahaan Ki Jaldi Hai. . ?
Kidhar Jaana Hai. . ?
Kidhar Bhaagna Hai. . ?
Der Se Sona Hai Phir Jaldi Jaagna Hai. . .
Chahe Karni Nakal Hai
Par School Mein Aana Awwal Hai. . .
Dil Ki Kahin Baat Par
Kyun Dhyaan Dena Hai. . .
Sasta Tikau Jaisa Bhi Mile
Par Job Pehle Lena Hai. . .
Phir 5 (Paanch) Din Ragad Kar Khudko
Aaram Weekend Par Chhoroge. . .
Zindagi Bhar Ka Saara Sukoon Bhaiya
Do Dino Mein Nichodoge. . ?
Batao. . .
Ruk Jao. . .
Dum Lo. . .
1. . 2. . 3. . 4. . .
Kaam Na Khatam Hogaya Hai. . .
Shunya Par Ruk Kar Saans Lo. . .
Dheere. . . Dheere. . .
Andar. . . Bahar. . .
Zindagi Ko Le Jaane Do Tumhe Wahan
Jahaan Wo Le Jaana Chahti Hai. . .
Aise Hee Toh Udaan Li Jaati Hai
Khilone Wale Hawai Jahaj Par. . .
Baitho. . .
Baitho Aur Spane Dekho
Gairon Ke Nahi Apne Dekho. . .
Hawan Ko Behne Do Baalon Se. . .
Baatein Karo Apne Chhalon Se. . .
Kisi Shaam Khwabon Ke Liye Bhi
Chuuti Khareed Kar Laaya Karo. . .
Chupke Se Phir Pichli Khidki Se
Sukoon Ko Bulaya Karo. . .
Rok Kar Ghadi Ke Kaaton Ko Tum
Phir Raat Yunhi Zaaya Karo. . .
Yaad Hai Na. . ?
Faiz Ne Kaha Hai. . .
Ki Dil Na Umeed Toh Nahi
Nakaam Hee Toh Hai. . .
Bahut Lambi Hai Gum Ki Shaam
Magar Shaam Hee Toh Hai. . .
Toh Chalne Dona Shaam Ko Apni Raftaar Se
Maana Ki Thodi Gam Bhari Hai. . .
Par Hai Toh Apne Haq Ki Shaam. . .
Apne Haq Ki Raat Bhi Hogi
Apne Haq Ke Taarein Hai. . .
Chaand Sabka Hai Toh Rehne Do Bhaiya
Jugnoo Toh Hamare Hai. . .
Isliye Amrita Ban Kar Sahir Ko Chahne Mein
Itna Mat Ulaj Jaana Ki Tum Imroz Ko Dekh Bhi Na Pao. . .
Sahir Tumhara Junoon Hai
Magar Imroz. . .
Tumhara Sukoon. . .
Milna Zaroor Usse. . .
Banane Dena Usse Tumhari Tasveerin
Taaki. . .
Jaate Jaate Tum Bhi Keh Sako
Ki Main Tenu Phir Milaangi. . .
Yaar Geet Ko Aditya Bhi Train Chutne Par Hee Mila Tha
Isliye Kuch Kaam Galat Hone Dona. . .
Zindagi Apni Chaalein Aise Hee Chalti Hai
Sukoon Ke Pal Churana Seekho. . .
Kabhi Kisi Kaam Ko Na Karke Dekho
Kai Dafa Aise Bhi Baat Banti Hai. . .
Khud Ko Taufe Do
Gulzar Ki Kitabein Kharido. . .
Pyaar Me Giro. . .
Sambhlo Aur. . .
Phir Doob Jao. . .
Kisi Ajnabi Ke Saath Ek Lambi Sair Par Jao. . .
Kahaaniya Suno. . . Kavita Bano. . .
Kahi Beech Mein Ruk Kar Ek Shabd Ko Bar-Bar Padho. . .
Tumhe Nahi Pata Tum Kab Wapis Bula Liye Jaaoge
Kisi Roz Kahin Der Se Pahuncho Aur
Intezaar Karne Do Kismat Ko Tumhara. . .
Agar Woh Pucche Ki Kahaan Reh Gaye The. . ?
Toh Muskura Kar Kehna. . .
Jo Aye Zindagi Jeene Mein Thoda Vyast Tha. . .
Written By: Amandeep Singh
This is the Kya Dhoondh Rahe Ho (क्या ढूंढ रहे हो) Poetry Lyrics. If you find any mistake in poetry Like KYA DHOONDH RAHE HO POETRY - Amandeep Singh | Hindi Spoken Word Poetry. Please contact us and send correct poetry. Thank You for Visit Our Site.
Furthermore Latest Spoken Word Poetry Lyrics In Hindi and English then stay with PoetryHit{alertInfo}