TUMHAARA JAANA POETRY - Daaniyal | Hindi Poetry | Poetryhit.com
Tumhaara Jaana (तुम्हारा जाना) (Sad Love Poetry) Poetry Lyrics by Daaniyal: This Hindi Spoken Word Poetry Recited by him. Music given by Aditya Verma. While Tumhaara Jaana Hindi Poetry written by Daaniyal. It's released by Spill Poetry YouTube Channel. (Please Show Your Love on our YouTube Channel PoetryHit).
Original Poetry Credits:
Poetry Title: Tumhaara Jaana (तुम्हारा जाना)
Recited By: Daaniyal
Music: Aditya Verma
Written: Daaniyal
Shot: NCPA-(Mumbai)
Produced: Brahma Media LLP
Poetry Language: Hindi
Poetry Label: Spill Poetry
Recreate Poetry Credits:
Poetry Title: Tumhaara Jaana
Recited By: Daaniyal
Written: Daaniyal
Music: Aditya Verma
Video Edit By: Jogi
Poetry Language: Hindi
Poetry Label: PoetryHit
Tumhaara Jaana Poetry Lyrics
Roz Raat
Jab Meri Aankhon Ke Parde
Bandh Hone Ko Hote Hai…
Ek Khayaal
Mere Takiye Ke Neeche Se Nikal Kar
Unpar Hamla Kardeta Hai
Aur Zakhmi Kar Deta Hai
Meri Neend Ko…
Woh Khayaal Hai
Tumhaare Jaane Ka Khayaal…
Main Khud Bhi
Yeh Jaanta Hun
Aur Maanta Hun Ki
Tumhaara Jaana
Anivaarya Hai…
Yeh Meri Kismat Mein Likha Gaya
Sabse Kathor Faisla Hai…
Main Apni Zindagi Ki
Saari Kamaayi…
Khushiyaan…
Kavitaaye Bhi…
Rishwat Mein
Meri Kismat Ko Dedu
Tab Bhi Tumhaara Jaana
Atal Rahega…
Jaise Sab Kuch
Bigadne Ke Liye Hee
Sab Kuch Theek Hota Hai…
Tumhaara Jaana Bhi
Bilkul Waisa Hee Hai…
Tum Jaane Ke Liye Hee Aayi Thi…
Chuki Sooraj Ki Roshni Ko
Dharti Par Pahuchne Ke Liye
8 Minute Lagte Hai…
Toh Kehte Hai Ki Hum Sooraj Ko
Vartmaan Mein Dekhte Hue Bhi
Ateet Mein Deka Rahe Hote Hai…
Tumhe Dekhna Bhi Mere Liye
Sooraj Ko Dekhne Jaisa Hai…
Tum Vartmaan Mein Bhi
Mera Ateet Ho Chuki Ho…
Tumhaara Jaana
Kisi Khoobsurat Khwaab Ko
Dekhte Dekhte Neend Ke
Khulne Jaisa Hoga…
Phir Koi Khwaab Dekhne Ki
Khwaish Nahi Bachegi…
Phir Kabhi
Sone Ka Mann Nahi Karega…
Tumhaara Jaana
Mujhe Khaali Kar Dega…
Itna Khaali Ki
Mere Andar Zameen Aur
Asmaan Ke Beech Ki
Saari Cheezein Samaa Jaayengi…
Aur Itna Khaali Ki
Uske Baad Bhi
Mere Andar
Awaaz Dene Par
Awaaz Goonje Gi…
Main Aisa Makaan Ban Jaaunga
Jo Khudko Chodhna Chahta Hai…
Main Aisa Aayna Ban Jaaunga
Jo Khudko Todhna Chahta Hai…
Tumhaare Jaane Par
Mujhe Ek Nayi Shuruwaat Karni Hogi…
Mujhe Phir Se Seekhna Hoga
Dukh Dena…
Dukh Sehna…
Khushiyaan Baatna…
Khushiyaan Cheenna…
Nafrat Karna…
Jinhe Mujhse
Kabhi Mohabbat Thi
Unhe Mujhse
Nafrat Hote Hue Dekhna…
Aur Phir Se
Jutani Hogi Himmat
Mohabbat Karne Ki…
Magar Mera Haken Karo
Main Thank Chuka Hun
Shurwaato Se…
Mujhe Ab Bas
Kisi Kahaani Ke
Antt Par Tumse Milna Hai
Aur Uske Baad
Mujhe Kuch Nahi Dekhna…
Magar Tumhaara Jaana
Meir Zindagi Ka
Sabse Kadwa Sach Hai…
Aisa Koi Antt Nahi Likha Gaya
Jahan Tum Mere Liye Thehri Ho..?
Aisa Koi Antt Nahi Likha Gaya
Jahan…
Jahan Tum Meri Ho..?
Isliye
Tumhaare Jaane Ke Sach Se
Nazrein Chura Kar
Main Fareb Ka Ek Ghoot
Roz Pee Raha Hun…
Tum Kabhi Bahi Jaaogi
Khudse Yeh Keh Kar
Apni Zindagi Ka
Sabse Pasandeeda Jhooth
Jee Raha Hun…
Written By: Daaniyal
Tumhaara Jaana Poetry | Hindi Spoken Word Poetry Lyrics
This is the end of Tumhaara Jaana (तुम्हारा जाना) Poetry Lyrics. If you find any mistake in poetry Like TUMHAARA JAANA POETRY - Daaniyal | Hindi Poetry. Please contact us and send correct poetry.
If You Want To Publish Your Poetry On This Site Please Feel Free To Contact Us. Thank You for Visit Our Site.
Furthermore Latest Spoken Word Poetry Lyrics In Hindi and English then stay with PoetryHit