MAA POETRY - Priya Malik | Hindi Poetry | Sanjog | Poetryhit.com
Maa (माँ) (Zee Tv Present "Sanjog") Poetry Lyrics by Priya Malik and Kamya Punjabi: This Hindi Spoken Word Poetry Recited by them. Music given by Abhin Joshi. While Maa Hindi Poetry written by Priya Malik and edited by Karan Asnani. It's released by UnErase Poetry YouTube Channel. (Please Show Your Love on our YouTube Channel PoetryHit)
Original Poetry Credits:
Poetry Title: Maa (माँ)
Recited By: Priya Malik, Kamya Punjabi
Music: Abhin Joshi
Written: Priya Malik
Sound Recording: Yash Barse
Directed: Karan Asnani
Poetry Language: Hindi
Special Occasion: The Women's Day Special
Poetry Label: UnErase Poetry
Recreate Poetry Credits:
Poetry Title: Maa
Recited By: Priya Malik, Kamya Punjabi
Written: Priya Malik
Video Edit By: Jogi
Poetry Language: Hindi
Poetry Label: PoetryHit
Maa Poetry Lyrics
Maa…
Yeh Ek Aisa Shabd Hai
Jisme Poori Kaaynaat Ka
Rahasya Chupa Hua Hai…
Janm Dene Waali
Pyaar Karne Waali
Paal Pos Kar
Bada Karne Waali
Umr Bahar Niswaarth
Prem Karne Waali…
Jab Koi Galti Ho Jaaye
Toh Daat Bhi Deti Hai
Lekin Poori Duniya Se
Alag Woh Pyaar Bhi Deti Hai…
Pani Ki Tarah Behne Waali
Aag Ki Tarah Jalne Waali
Dharti Ki Tarah Adig Hai Jo…
Maa Wahi Hai Na
Jo Hawa Ki Tarah
Kahin Jaakar Bhi
Kahin Nahi Jasne Waali..?
Lekin Maa Kaun Hoti Hai..?
Janm Dene Waali..?
Ya Paal Pos Ke
Bada Karne Waali..?
Rishta Atoot Kaunsa Hota Hai..?
Garbh Ka Ya Garv Ka..?
Khoon Ka..?
Ya Woh Rishta
Jo Seecha Hai
Khoon Paseene Se..?
Jo Bhagya Se Mila Hai
Jisse Hifaazat Se Rakha Hai
Kya Woh Mera Nahi
Jo Laga Hai Mere Seene Se..?
Jab Ek Bachcha
Kisi Parivaar Main
Janm Leta Hai…
Toh Laata Hai
Apne Saath…
Aashaayein
Ikchaayein
Aur Bohot Saare Sapne…
Woh Kaisa Hoga..?
Uska Bhavishya
Kaisa Hoga..?
Issi Soch Main
Doobe Rehte Hai
Saare Apne…
Iski Aankhein
Mere Jaisi Hai…
Iski Baatein
Tumhaare Jaisi Hain…
Poora Din
Aisi Hee Baaton Main
Guzar Jaata Hai…
Jab Ek Bachcha
Kisi Parivaar Main
Janm Leta Hai…
Toh Woh Sirf
Janm Dene Waali
Maa Ka Nahi
Poore Parivaar Ka
Ho Jaata Hai…
Haan…
Toh Sawaal
Yahi Uthta Hai Na Phir…
Ki Mamta Ka Yeh
Atoot Rishta
Sirf Garbh Ka Hai
Ya Parvarish Ka Bhi..?
Jab Krishna Sochte Hai
Apni Maa Ke Baare Main…
Toh Yaad Karte Hai Na
Woh Devki Ko Bhi..?
Lekin
Yashoda Maiyaa Ki
Mamta Itni Thi
Ki Unke Toh
Naam Ke Sath Hee
Maiyya Jud Gaya…
Jahaan Devki Ne
Diya Tha Krishna Ko Janm
Wahi Maa Ka Pyaar Toh
Dono Main Umad Gaya Na..?
Maa Ke Rishte Ke Saath
Aur Kitne Rishte
Janm Lete Hai…
Baccha Ek Aurat Ko
Maa Toh Banaata Hai…
Lekin Parvaah Waale Rishte
Aur Bhi Kitne Ho Jaate Hain…
Kya Kam Ho Sakta Hai
Maa Ka Pyaar Agar
Bachcha Jaisa
Usne Chaaha Ho
Vaisa Na Nikle..?
Kya Maa Ki Jagah
Koi Aur Le Sakta Hai..?
Agar Zindagi Ki Kahaani Ke
Badal Jaayein Saare Panne..?
Maa Bacche Ko
Janm Deti Hai
Ya Baccha Maa Ko..?
Yeh Rahasya Shayad
Hum Dono Kabhi Nahi
Jaan Paayenge…
Har Baccha Lekar Aata Hai
Apni Khud Ki Kahaani
Apni Khud Ki Zubaani…
Shaayad
Iss Kahani Ka Ant
Kuch Aur Ho…
Aur Shuruaat
Kahin Aur Ho…
Maa Kaun Hoti Hai
Iss Sawal Ka Jawaab
Mamta Ke Sanjog Se Hee
Jaan Paayenge…
Maa Kaun Hoti Hai
Iss Sawal Ka Jawaab
Mamta Ke Sanjog Se Hee
Jaan Paayenge…
Kya Taiyaar Hain Aap
Iss Sanjog Ke Liye..?
Written By: Priya Malik
Maa Poetry | Hindi Spoken Word Poetry Lyrics
This is the end of Maa (माँ) Poetry Lyrics. If you find any mistake in poetry Like MAA POETRY - Priya Malik | Hindi Poetry. Please contact us and send correct poetry.
If You Want To Publish Your Poetry On This Site Please Feel Free To Contact Us. Thank You for Visit Our Site.
Furthermore Latest Spoken Word Poetry Lyrics In Hindi and English then stay with PoetryHit