MAIN TUMSE ATTACH NAHI HONA CHAHTA POETRY - Abhash Jha | Hindi Poetry | Poetryhit.com
Main Tumse Attach Nahi Hona Chahta Tha (मैं तुमसे Attach नहीं होना चाहता था) (Sad Love Poetry) Poetry Lyrics by Abhash Jha: This Hindi Spoken Word Poetry Recited by him. While Main Tumse Attach Nahi Hona Chahta Tha Hindi Poetry written by Abhash Jha. It's released by Rhyme Attacks YouTube Channel. (Please Support Our YouTube Channel like PoetryHit)
Original Poetry Credits:
Poetry Title: Main Tumse Attach Nahi Hona Chahta Tha (मैं तुमसे Attach नहीं होना चाहता था)
Recited By: Abhash Jha
Written: Abhash Jha
Poetry Language: Hindi
Poetry Label: Rhyme Attacks
Recreate Poetry Credits:
Poetry Title: Main Tumse Attach Nahi Hona Chahta Tha
Recited By: Abhash Jha
Written: Abhash Jha
Video Edit By: Jogi
Poetry Language: Hindi
Poetry Label: PoetryHit
Main Tumse Attach Nahi Hona Chahta Tha Poetry Lyrics
Mujhe Jab
Koi Pasand Aata Hai Na...
Toh Main
Pagal ho Jaata Hoon
Uske Liye...
Main Uski Thodi Zyaada
Fikar Karne Lagta Hoon...
Zyaada Pyaar Karne Lagta Hoon...
Bhale Usko Itna Kuch
Ho bhi Na Mere Liye...
Phir Mujhe
Uss Shaqs Ki Aadat Bhi
Bohot Jaldi Lag Jaati Hai...
Main Bechain Hone Lagta Hoon
Agar Ek Bhi din Ussey Baat Na Ho Toh...
Par Main Apni Harkato Se
Dikhaata Nahi Ki Main Aisa
Mehsoos Karta Hoon Uske Liye...
Par Mujhe Farq Padta Hai
Agar Woh Kabhi Mere Saath Na Ho Toh...
Lekin Ab Maine Khud Ko
Sudhaar Liya Hai...
Main Door Rehta Hoon
Inn Pyaar Vyar Ke Maamle Se...
Kyun Ki...
Mujhe Pata Hai
Baat Bandh Ho Jaane Ka
Dard Kaisa Hota Hai...
Maine Usey Badalte Dekha Hai
Khud Mere Saamne...
Par Phir Meri Zindagi Mein Aayi Tum
Tum Auro Se Kuch Alag Lagi
Tumse Baat Karke Bohot Apna Sa Laga...
Main Tumse Attach Nahi Hona Chahta Tha
Par Dheere-Dheere Tumhari Aadato Mein
Dhalne Laga...
Maine Bohot Samjhaaya Khud Ko
Ki Ek Din Tum Bhi
Mujhse Door Ho Jaogi...
Sabki Tarah Raat Bhar
Khoob Baatein Karogi
Aur Subah Hone Tak
Sab Bhool Jaogi...
Attachment
Buri Cheez Hoti Hai
Mujhe Pata Tha Par
Main Khud Ko
Rok Hee Nahi Paaya...
Pata Nahi Andar Se
Yeh Aawaaz Aati Thi
Ki Tumhare Saath
Yeh Rishta Lamba Chalega...
Kyun Ki...
Tumhari Taraf Se Bhi
Pyaar Dikhta Tha
Efforts Dikhte The...
Aur Main Toh Yeh
Soch Bhi Nahi Paa Raha Tha
Ki Tum Door Chali Jaogi
Toh Kaisa Lagega..?
Kuch Dino Tak
Sab Theek Tha
Hum Khush The
Main Khush Tha...
Khoob Saari Baatein Huyi
Yaadein Bani
Ek rishte Mein Jo Hona Chahiye Tha
Woh Sab Kuch Tha...
Par Phir Mujhe Samajh Aaya
Ki Mujhe Uss Waqt Tumhara
Intezaar Kyun Nahi Karna Chahiye Tha...
Tumse Pyaar Karne Ke Baad
Yeh Pata Chala Ki
Pyaar Kyun Nahi Karna Chahiye Tha...
Phir Wahi Hua...
Tum Bhi Dusro Ki Tarah
Mujhse Kat'ti Gayi
Aur Main Uss Stage Pe
Pohoch Gaya Jahan Main
Pehle Waali Tum Ko
Miss Karn Laga...
Chodh Ke Jaana
Zaroori Hota Hai Kya..?
Baatein Khatam Kar Dena
Zaroori Hota Hai Kya..?
Aur Ek Baar Phir Mujhe
Pyaar Se Darr Lagne Laga...
Tumhare Baad
Ab Mujhe Kuch Bhi
Feel Hona Bandh Ho Gaya Hai...
Ab Mujhe Log Bhi Bolte Hain
Ki Tu Pehle Jaisa Nahi Lagta Hai...
Ab Main
Good Morning Aur
Good Night Waale
Text Nahi Karta Kisi Ko...
Ab Main
Baat Shuru Karne Ke Liye
Nahi Puchta Kisi Se
Abhi Kya Kar Rahe Ho..?
Ab Mujhe Koi
Dilchaspi Nahi Reh Gayi Hai
Tumne Khaana Khaaya Ya Nahi...
Main Nahi Puchunga
Phir Bhi Tum
Waise Hee Rahoge...
Toh Chodh Diya Maine Puchna
Tum Theek Ho Ya Nahi...
Main Aisa Nahi Tha Pehle
Jaisa Ab Ho Gaya Hoon...
Apne Aap Nahi Badla Main
Badal Diya Gaya Hoon...
Yaar Badal Diya Gaya Hoon...
Written By: Abhash Jha
Main Tumse Attach Nahi Hona Chahta Tha Poetry | Hindi Spoken Word Poetry Lyrics
This is the end of Main Tumse Attach Nahi Hona Chahta Tha (मैं तुमसे Attach नहीं होना चाहता था) Poetry Lyrics. If you find any mistake in poetry Like MAIN TUMSE ATTACH NAHI HONA CHAHTA POETRY - Abhash Jha | Hindi Poetry. Please contact us and send correct poetry.
If You Want To Publish Your Poetry On This Site Please Feel Free To Contact Us. Thank You for Visit Our Site.
Furthermore Latest Spoken Word Poetry Lyrics In Hindi and English then stay with PoetryHit