TUMSE AAKHRI BAAR MILNA HAI POETRY - Gunjan Saini | Hindi Poetry | Poetryhit.com
Tumse Aakhri Baar Milna Hai (तुमसे आखरी बार मिलना है) Poetry Lyrics by Gunjan Saini: This Hindi Spoken Word Poetry Performed by her. Music given by Aryaman Padate. While Tumse Aakhri Baar Milna Hai Hindi Poetry written by Gunjan Saini and edited by Sterling Production. It's released by Spill Poetry YouTube Channel. (Please Support Our YouTube Channel like PoetryHit)
Poetry Credits:Poetry Title: Tumse Aakhri Baar Milna Hai (तुमसे आखरी बार मिलना है)Performed: Gunjan SainiMusic: Aryaman PadateWritten: Gunjan SainiCurated: DaaniyalShot: FNP Media StudioPoetry Language: HindiPoetry Label: Spill Poetry{alertSuccess}
Tumse Aakhri Baar Milna Hai Poetry Lyrics
Kuch Adhoori Baato Ko
Tumse Mil Kar Ab Poora Karna Hai
Jaise Waqt Se Laddkar
Waqt Ke Saath Hi Yeh Khel Khelna Hai. . .
Mujhe Tumse Aakhri Baar Milna Hai. . .
Woh Kya Hai Na. . .
Bhool Chuki Hun Main. . .
Bhool Chuki Hun Ki
Kon Si Rang Ki Kameez
Tumne Us Roz Pehni Thi. . .
Woh Kon Sa Gaana Aakhri Baar
Humne Saath Suna Tha. . ?
Woh Konsi Baat Jaate Jaate
Tumne Kahi Thi. . ?
Woh Kon Sa Raaz
Tumhari Aankho Se
Aansu Ban Ke Uss Din Baha Tha. . ?
Bas Iss Liye. . .
Bas Iss Lie
Woh Khatm Ho Chuki
Yaadon Ka Safar
Phir Ek Baar Karna Hai. . .
Mujhe Tumse Aakhri Baar Milna Hai. . .
Ya Shayad Mujhe Sab Yaad Hai
Aur Yeh Sab Sirf Bahane Hai. . .
Kyun Ki Mujhe Aakhri Baar Dekhna Hai
Tumhe Ussi Neeli Kameez Main
Jiska Toota Hua Doosra Butoon Lagana
Tum Phir Bhool Gaye The. . .
Aakhri Baar Sunna Hai
"Lag Ja Gale" Ka Woh Aakhri Antra
Aakhri Baar Dekhna Hai
Tumhe Kehte Ki
"Ruk Jao Na"
Aur Aakhri Baar
Mehsoos Karna Hai
Tumhare Aansuo Ka
Meri Hatheli Pe Girna. . .
Bas Isliye. . .
Bas Isliye Uss Aakhri Din Ko
Aakhri Samajh Ke Hi
Mujhe Usse Jeena Hai. . .
Woh Baatein Jo Main Uss Din
Keh Nahi Paai Unhe Keh Kar
Dil Apna Halka Karna Hai. . .
Mujhe Tumse Ek Aakhri Baar Milna Hai. . .
Yu Toh Bhool Chuki Hun Main
Bhool Chuki Hun Main Ki
Woh Mere Naam Ke Saath
Tumhara Naam Kaisa Lagta Tha. . .
Gussa Toh Hote the Tum
Magar Dil Kab Tumhara Rota Tha. . ?
Jab Darte The Tab Kya Karte The Tum. . ?
Woh Jiss Khwab Ke Liye Sab Chhod Sakte The
Woh Khwab Kon Sa Tha. . ?
Bhool Chuki Hun Yeh Sab
Ya Shaayad Na Yaad Hone Ka
Dikhawa Kar Rahi Hun. . .
Kyunki. . .
Mujhe Aakhri Baar Sunna Hai
Apne Naam Ko Tumhare Naam Ke Saath
Aakhri Baar Baatein Karni Hai
Woh Kabhi Na Bharne Wale Ghaav Ki
Aakhri Baar Mehsoos Karna Hai
Tumhe Daar Lagte Samay
Mera Haath Zor Se Pakadte. . .
Aakhri Baar Dekni Hai
Junoon Se Bhari Aankhein
Aur Unhi Aankhon Ke
Ek Doosre Kone Me
Mere Liye Rakha Pyaar. . .
Bas Iss Taraah. . .
Bas Iss Taraah
Woh Mar Chuki Yaado Ko
Dubara Jee Kar
Inhe Thoda Zinda Karna Hai. . .
Ek-Ek Pal Inka Mehsoos Kar
Apni Diary Ke Aakhri Panno Mein
Bandh Karna Hai. . .
Mujhe Tumse Ek Aakhri Baar Milna Hai. . .
Nahi Main Iss Kahani Ko
Dosra Modh Nahi Dena Chahti
Main Tumse Ab Aur Kuch Nahi Chahti. . .
Bas Yeh Ek Khwaish Hai Meri
Ki Kash Jab Hum Aakhri Baar Mile
Tab Woh Mulakaat Aakhri Hai
Yeh Hume Pata Hota. . .
Toh Shaayad Aage Badhne Mein
Itna Waqt Na Lagta
Sambhal Jaate Yeh Soch Kar
Ki Alvida Keh Diya Hai Ab
Magar Aaj Lagta Hai
Ek Aakhri Baar Mil Lete
Toh Yeh Sab
Iss Kavita Ke Zariye
Na Kehna Padta. . .
Toh Bas Sirf Kuch
Aadhe Adhoore Rasto Ka
Rukh Mujhe Seedha Karna Hai
Bina Kisi Umeed Aur
Bina Kisi Aas
Mujhe Tumse. . .
Ek Aakhri Baar Milna Hai. . .
Written By: Gunjan Saini
Tumse Aakhri Baar Milna Hai Poetry | Hindi Spoken Word Poetry Lyrics
This is the Tumse Aakhri Baar Milna Hai (तुमसे आखरी बार मिलना है) Poetry Lyrics. If you find any mistake in poetry Like TUMSE AAKHRI BAAR MILNA HAI POETRY - Gunjan Saini | Hindi Spoken Word Poetry. Please contact us and send correct poetry. Thank You for Visit Our Site.
Furthermore Latest Spoken Word Poetry Lyrics In Hindi and English then stay with PoetryHit{alertInfo}